TABIA YA MTU MWENYE NAFASI KUBWA YA KUFIKIA NDOTO YAKE

TABIA YA MTU MWENYE NAFASI KUBWA YA KUFIKIA NDOTO YAKE
____

🔆 *Mtu anayemcha na kumtegemea mungu*

 Utajiri na heshima ziko kwangu, Naam, utajiri udumuo, na haki pia. ~Biblia

Kuna watu huwa wana kawaida ya kutenganisha mafanikio na Mungu,watu hawa ni wale wanaotaka vitu kwa njia za mkato . Hawa ndio wale wanajiunga na vyama vya kishetani huku wakisahau kuwa hata shetani alikuwa wa Mungu na baadae akaasi. Mtu mwenye utajiri wa kishetani huwa haudumu.

 Mafanikio ya kweli yanatoka kwa Mungu kinyume na hapo twajidanganya wenyewe .Sisi wote tulitokana na Mungu na yeye ndiye aijuaye kesho yetu. Ukweli tunajitahidi kupanga mengi lakini Mungu asipoingilia hakuna matokeo yoyote (Bwana asipoijenga nyumba waijengao wafanya kazi bure. Bwana asipoulinda mji Yeye aulindaye akesha bure~Biblia)

🔆 *Mtu anayejaribu vitu*

Mtu anayejaribu vitu vingi huyu siku moja atafanikiwa .Haikuwa rahisi kwa Thomas Edson kufiki ndoto yake mpaka alipojaribu mara 1000 , lakini mwisho wa siku akafanikisha .Leo tunafurahia matokeo mazuri ya majaribio ya Edson. Ukweli ni kwama mtu anayejaribu vitu lazima atafanikiwa, hukumbuki hata huyo ndugu/rafiki/jirani  yako alivyokuwa ni mtu wa kujaribu vitu na sasa amefanikiwa? Anza kuwa mtu wa kujaribu vitu haijalishi unashindwa mara ngapi.

🔆 *Mtu mwenye bidii*

Mtu mwenye bidii mafanikio kwake ni lazima lakini mtu mvivu ajiandae kuajiriwa na mtu mwenye bidii kwa sababu watu wanaopenda kuajiriwa(kutimiza ndoto za wengine) miaka yote ni watu wavivu wasiopenda kuumiza akili,mwili n.k. Kama wewe una bidii mafanikio yako lazima cha msingi endelea kufanya kwa bidii bila kuchoka. Fanya kila kitu kwa bidii kubwa haijalishi huoni matokeo haraka.

🔆 *Mtu mwenye maarifa*

Maarifa aliyonayo mtu ndiyo humsaidia kugundua fursa ambazo watu wengine hawazioni ambazo ndizo zinamfanikisha mtu. Kwani mchezaji anayefunga sana magoli hata kama beki ya wapinzani wake iko imara siri yake ni nini? Siyo uchawi lakini ni kwa sababu maarifa yake yako juu ya mabeki na kwa hiyo hawezi kuzuulika ndivyo ilivyo kwa mtu mwenye maarifa hawezi kuzuilika kutimiza ndoto zake maana anajua namna ya kupenya hata mahali ambapo inaonekana hapana njia ya kupita kabisa.

🔆 *Mtu asiyekata tamaa*
 Mtu asiyekata tamaa lazima atafanikiwa maana kila siku atakuwa anatafuta mpenyo wa kufikia ndoto yake. Hapa ndipo watu wengi wanashindwa na ndiyo maana wengi wanakufa na ndoto zao. Naelewa njiani kuna magumu mengi lakini wale wanaovumilia mpaka mwisho ndio pekee hufanikiwa.


🔆 *Mtu anayesimamia kile anachokiamini*

Rafiki yangu Mwalimu Robison Sisyan  mwandishi  wa makala za kibiashara  wakati fulani akiwa anafundisha kwenye kundi moja la WhatsApp alisema  ili uweze kufanikiwa ni lazima kwanza uwe na uwezo wa kusimamia kile unachokiamini pale ambapo watu wanaweza kukukosoa kwa kuonesha ni namna gani huwezi kufanikiwa."

Huwa iko hivi na kila siku itakuwa hivyo kwamba watu wanaoamini mawazo yao na kuyasimamia ndio wanaofanikiwa bila kukatishwa tamaa wakiamini kuwa siku moja watakuja kufanikiwa kinyume na hapo kama ni mtu wa kusiliza watu wanaokuvunja moyo utakuwa unatwanga maji kwenye kinu,hutafika kokote.

🔆 *Mtu mwenye mahusiano mazuri na watu*

Mahusiano mazuri na watu  ndiyo huleta mafanikio haraka. Mtu mwenye mahusiano mazuri na watu atakuwa na fursa nyingi ambazo zingine huzipata kutokana na mahusiano mazuri aliyojenga. Mtu huyu ni rahisi kusaidiwa pale anapohisi kushindwa. Mtu mwenye mahusiano mabaya na watu si rahisi kufikia kwenye ndoto na mafanikio anayoyataka.

🔆 *Mtu anayejua thamani ya muda*

Mafanikio yako katika muda.Kwa bahati mbaya watu wengi huwa wanatumia muda ovyo ovyo huku wakishau kuwa muda ni mali haupaswi kuchezewa. Watu waliofanikiwa ni watu walio makini sana na matumizi ya muda .Wanajua  kuwa muda hauwezi kujirudia katika maisha kwa maana hiyo wanakuwa makini sana na matumizi ya muda.